Kada reto ta duna oportunidat pa trese kambio. Diferente empleado a hasi uso di e oportunidat pa modernisá i asina sirbi nos komunidat mas efisiente i mihó. Den e siman di “Den moveshon: siña, krese i kompartí” bo ta haña inspirashon di nan esfuerso pa trese kambio. Bo por konektá ku nan i haña inspirashon pa bo trabou. E siman di workshop aki tambe ta duna oportunidat pa siña kosnan nobo ku ta ekipá nos pa traha mas efisiente. Tin oportunidat tambe pa skohe entre aktividat pa tene bo kurpa, alma i mente salú. Den un siman di tempu bo ta haña diferente oportunidat pa drenta den moveshon i sigui stimulá kambio. Asina konhuntamente nos ta stimulá otro pa nos gobièrnu keda den moveshon i sirbi nos komunidat mihó.